Futbol üzrə Rusiya Birinci Liqasında 20-ci turun oyunları keçirilib. Corner.az xəbər verir ki, Azərbaycanın gənclərdən ibarət milli komandasının sabiq hücumçusu Kamran Əliyevin formasını geyindiyi Tula “Arsenal”ı da növbəti matçına çıxıb.
Sözügedən kollektiv doğma meydanda lider “Baltika”nı qəbul edib. Futbolçumuzun komandası bu oyundan ağır məğlubiyyətə üzülüb – 0:5.
Kamran da bu matçın iştirakçısı olub. O, 63-cü dəqiqədə meydana buraxılıb.
“Arsenal” 20 turdan sonra 32 xalla 6-cı pillədə qərarlaşıb.
