"Lokomotiv"dən Argentina klubuna

"Lokomotiv Moskva" müdafiəçisi German Kontini Argentina "Rasinq"inə satıb.

90deqiqe.az  xəbər verir ki, bu barədə jurnalist Sezar Luis Merlo "X" sosial şəbəkəsində (keçmiş Twitter) yazıb.

Mənbənin məlumatına görə, futbolçu tibbi müayinədən keçdikdən sonra “Rasinq”lə 2026-cı ilin dekabrına qədər müqavilə imzalayacaq.

Bu mövsüm 29 yaşlı futbolçu Moskva klubunun heyətində səkkiz matçda iştirak edib və bir məhsuldar ötürmə edib.

Konti 2023-cü ilin qışında azad agent kimi "Benfika"dan "Lokomotiv"ə keçin. Futbolçunun moskvalılarla müqaviləsi 2025-ci ilin yayına kimi nəzərdə tutulub.

Transfermarkt internet portalı oyunçunun bazar dəyərini 1,4 milyon avro olaraq qiymətləndirir.