"O, Rusiya futbolunun simasıdır"

Moskva "Spartak"ının keçmiş baş məşqçisi Massimo Karrera Rusiya futbolunun simalarını açıqlayıb.

90deqiqe.az xəbər verir ki, italiyalı mütəxəssis hələ də futbol tarixində “Qızıl top”a sahibi olmağı bacaran yeganə qapıçı olan “Dinamo”nun və SSRİ yığmasının əfsanəvi qapıçısı Lev Yaşini xüsusi qeyd edib.

“Rusiya futbolunu Lev Yaşinlə əlaqələndirirəm. O, futbolunuzun simasıdır, bu mütləqdir. Rusiya futbolu dedikdə ağıla ilk olaraq bu qapıçı gəlir”

Xatırladaq ki, Lev Yaşin 5 qat SSRİ çempionu, 1956-cı ildə Olimpiadanın qızıl medalçısı, 1960-cı ildə Avropa çempionu olub. Massimo Karrera “Spartak”a rəhbərlik edərək komandanı çempionluğa aparıb.