“Krasnodar” Musayevlə bağlı qərarını verdi

“Krasnodar” komandanın baş məşqçisi Murad Musayevlə müqaviləni uzatmaq istəyir.

90deqiqe.Az xəbər verir ki, klub rəhbərliyi mütəxəssisə mümkün uzadılması variantı ilə yeni iki illik müqavilə təklif etmək niyyətindədir. Yekun qərarın bu mövsümdən sonra veriləcəyi qeyd edilir.

Xatırladaq ki, Musayev bu ilin martında “Krasnodar”ı çalışdırıb və bu postda serb məşqçi Vladimir İviçi əvəzləyib. Cari Rusiya çempionatının bitməsinə bir tur qalmış “Bulls” ilk “Dinamo”dan üç xal geri qalaraq, turnir cədvəlində üçüncü yerdədir. Qeyd edək ki, Musayevin komandası final görüşünü mayın 25-də “ağ-göylər”ə qarşı keçirəcək.