Rusiya klubu Pyaniç ilə neçə illik müqavilə imzalayacaq?

Bosniyalı yarımmüdafiəçi Miralem Pyaniç Rusiya ÇSKA-sına pulsuz keçəcək.

90deqiqe.Az xəbər verir ki,  bu barədə jurnalist İvan Karpov öz Telegram kanalında məlumat verib. 

Yarımmüdafiəçi ordu klubuyla daha bir mövsüm uzatmaq imkanı ilə  2025-ci ilin yayına qədər müqavilə imzalayacaq.

Futbolçunun sabah tibbi müayinədən keçəcəyi gözlənilir.

Pyaniç “Roma”, “Yuventus”, “Barselona” və bir sıra digər Avropa klublarında çıxışı ilə tanınır. Bu yaxınlarda o, BƏƏ-dən Şarjanın rənglərini müdafiə etdi. 2008-ci ildən Pyaniç Bosniya və Herseqovina millisində çıxış edir. Bu müddət ərzində o, millinin heyətində 115 oyun keçirib, 17 qol vurub və 29 məhsuldar ötürmə verib.