"Zenit" İstanbul nəhəngi ilə əməkdaşlığı genişləndirib

Rusiya çempionu "Zenit" klubu "Fənərbağça" klubu ilə əməkdaşlığını uzadıb.

90deqiqe.Az xəbər verir ki, bu barədə Sankt-Peterburq təmsilçisi mətbuat xidməti məlumat yayıb.

Klublar ilk kişi və qadın futbol komandaları və akademiyalar səviyyəsində qurulmuş əməkdaşlığı 3 il davam etdirəcəklər. Və digər idman növləri üzrə təcrübə mübadiləsi aparacaqlar.

Rusiya və Türkiyənin top klubları arasında əvvəlki müqavilə 2023-cü ilin martında imzalanıb. "Fənərbağça" "Zenit"in təşkil etdiyi yay yoldaşlıq turnirində iştirak edib. 2024-cü ilin payızında “Zenit” “Fənərbağça” ilə yoldaşlıq oyunu üçün İstanbula gəlib. Türkiyə çempionatında “Fənərbaxça” “Qalatasaray”la çempionluq uğrunda mübarizə aparır və ikinci yerdədir.