"Lokomotiv” braziliyalı hücumçu ilə yollarını ayırdı

Moskva “Lokomotiv”i braziliyalı hücumçu Pedro Qabriel ilə əməkdaşlığı dayandırıb.

90deqiqe.Az klubun rəsmi saytına istinadən xəbər verir ki,  25 yaşlı futbolçunun 2026-cı ilə qədər nəzərdə tutulan müqaviləsi ləğv edilib.

Pedro Qabriel 2022-ci ilin payızında “Lokomotiv”ə transfer olunub. Bu müddət ərzində o, “San-Paulu”, “Amerika”, “Santos” və “Kuyabe” klublarına icarəyə verilib. Moskva təmsilçisinin heyətində futbolçu bütün turnirlər üzrə 9 oyuna çıxaraq 4 qol vurub və 1 məhsuldar ötürmə edib.

Transfermarkt portalının məlumatına görə, Pedro Qabrielin hazırkı bazar dəyəri 800 min avrodur.