Rusiya Premyer Liqasında 9-cu turun oyunları keçirilib.
Corner.az xəbər verir ki, millimizin hücumçusu Ramil Şeydayevin şərəfini qoruduğu “Dinamo Moskva" növbəti matçına çıxıb.
Sözügedən komanda öz doğma meydanda digər azərbaycanlı futbolçu Azər Əliyevin komandası - “Ufa” ilə qarşılaşıb. Görüşdə qalib müəyyənləşməyib – 0:0.
Azərbaycanlı futbolçular bu oyunun iştirakçısı olmayıblar. Həm Ramil, həm də Azər oyunu sonadək ehtiyat skamyasından izləyib
Qeyd edək ki, “Dinamo” hazırda 10 xalla 11-ci, “Ufa” isə 11 xalla 9-cu pillədə qərarlaşıb.
