Millinin sabiq baş məşqçisi vəfat etdi

Futbol üzrə Rusiya milli komandasının sabiq baş məşqçisi Boris İqnatyev 86 yaşında dünyasını dəyişib.

90deqiqe.Az xəbər verir ki, bu barədə Rusiya Futbol İttifaqının veteranlar komitəsi məlumat yayıb.

Futbolçu karyerası ərzində İqnatyev Moskva “Spartak”ının yetirməsi kimi SSRİ və Rusiya klublarında – İjevsk “Zenit”, “Raketa”, “Volqa”, Mahaçqala “Dinamo”, Jukovski “Meteor” və Ufa “Stroitel” – çıxış edib.

Baş məşqçi kimi o, Rusiyanın milli komandası, SSRİ gənclər komandası, “Saturn”, Kiyev “Dinamo”su və Moskva “Torpedo”su ilə çalışıb. SSRİ gənclər komandası onun rəhbərliyi altında 1988-ci ildə Avropa çempionluğunu qazanıb.