Şeydayev üçün yeni baş məşqçi

Azərbaycan millisinin hücumçusu Ramil Şeydayevin şərəfini qoruduğu “Dinamo”nun yeni baş məşqçisi müəyyənləşib.

Corner.az-ın Rusiya mətbuatına istinadən məlumatına görə, rəhbərlik yeni çalışdırıcının adını açıqlayıb.

Uğursuz nəticələrdən sonra istefa verən Dmitri Xoxlovu bu postda Kirill Novikov əvəz edib. Ancaq o, əsas komandaya müvəqqəti rəhbərlik edəcək. Bu ilin mayından “Dinamo”nun gənclərdən ibarət komandasını çalışdıran Novikov yeni baş məşqçi təyinatına qədər bu vəzifəni icra edəcək. 38 yaşlı mütəxəssis hər iki vəzifəni daşıyacaq.

Qeyd edək ki, "Dinamo" Rusiya Premyer Liqasında 12 turdan sonra 10 xalla 15-ci pillədə qərarlaşıb.