Ukraynalı futbolçu millidəki karyerasını başa vurdu

Rusiyanın "Zenit" klubunda çıxış edən Yaroslav Rakitski Ukrayna millisindəki karyerasını başa vurduğunu açıqlayıb. 

Corner.az-ın məlumatına görə, bu barədə 30 yaşlı müdafiəçi şəxsi "İnstagram" hesabından məlumat verib. 2019-cu il ərzində yığmadan dəvət gözlədiyini bildirən Rakitski futbolun siyasətə çevirildiyini də vurğulayıb: "Mənim üçün ölkənin milli komandasında çıxış etmək şərəfdir. Ukraynanın gücünü sübut etməsindən qürur duydum. Bu komandanı AVRO-2020-yə vəsiqə qazanması münasibətilə təbrik edirəm".

Qeyd edək ki, Yaroslav Rakitski "Zenit"ə 2019-cu ilin əvvəlində Ukrayna "Şaxtyor"undan transfer olunub.