Real yanvarda yeni futbolçular almayacaq

"Real" qış transferi pəncərəsində yeni futbolçular almağı planlaşdırmır.

Corner.az xəbər verir ki, bu barədə İspaniya mətbuatı məlumat yayıb.

Bildirilir ki, "Kral klubu"nun baş məşqçisi Zinəddin Zidan mövsümün qalan hissəsində hücumçu Eden Hazard və Qaret Beylə güvənir.

Klub rəhbərliyinin və Zidanın fikrincə, son matçlarda baş verən xal itkiləri heyətlə bağlı deyil. Rəhbərlik bunun uğursuzluqla əlaqəli olduğunu düşünür. Klub həmçinin "Ayntarxt"dan 60 milyon avroya "Real"a keçən hücumçu Luka Yoviçin yaxşı olacağına ümid edir.

Qeyd edək ki, "Real" 37 xalla İspaniya çempionatının yarış cədvəlində ikinci pillədə qərarlaşır.