Messi Ronaldoya “yox” dedi

“Barcelona”nın futbolçusu Lionel Messi "Juventus"un hücumçusu Cristiano Ronaldonun onu İtaliyada futbol oynamağa dəvət etməsinə cavab verib.

Corner.az xəbər verir ki, İspaniyanın “Marca” nəşrinə danışan Messi, dəyişikliyə ehtiyacının olmadığını deyib: “Ronaldonun İtaliyaya dəvətini qəbul etməkmi? Mənim hansısa dəyişikliyə ehtiyacım yoxdur. Onsuz da, dünyanın ən güclü komandasındayam.Qarşıma hədəflər qoymaq üçün komandamı və ya liqanı dəyişdirməyə ehtiyacım yoxdur. Hazırda evimdəyəm və dəyişikliyə ehtiyacım olduğunu düşünmürəm”.

Qeyd edək ki, Ronaldo bir müddət əvvəl açıqlama verərək, Messini İtaliyada futbol oynamağa dəvət etmişdi.(komanda.az)