Real Madrid-lə Barcelona arasında mübarizə

İki ispan nəhəngi Real Madrid və Barcelona Nqolo Kante üçün mübarizə aparacaqlar.

Corner.az Goal.az-a istinadən xəbər verir ki, İspaniyanın iki nəhəng klubu Real Madrid və Barcelona Chelsea-nin fransız yarımmüdafiəçisi Nqolo Kante üçün mübarizə aparacaqlar. Hər iki klub futbolçunu yanvar ayında öz heyətinə qatmağı planlaşdırır. Chelsea klubunun rəhbərliyi Fransa yığmasının futbolçusuna 2023-cü ilə qədər davam edən yeni müqavilə təklif etməyi planlaşdırsa da, Kantenin La Liqada oynamaq istədiyi bildirilir. 

Xatırladaq ki, Rusiyada keçirilən Dünya Çempionatının qalibi olan 27 yaşlı Nqolo Kante bu mövsüm Chelsea-nin heyətində 10 oyuna çıxıb, 1 qol vurub.