Barselona braziliyalı futbolçu aldı

 "Barselona" klubu "San-Paulu"nun futbolçusu Qustavo Mayanın keçidini həll edib.

Corner.az "Sport.es" nəşrinə istinadən xəbər verir ki, Kataloniya klubu 19 yaşlı hücumçunun transferi üçün Cənubi Amerika təmsilçisi ilə razılığa gəlib.

"San-Paulu" rəhbərliyi bildirib ki, artıq qarşı tərəfdən 1 milyon avro alınıb. Yerdə qalan 3,5 milyon avronun isə cari mövsümün sonunda hesaba köçürüləcəyi bildirilib. Gənc futbolçu ilə 2 illik müqavilə imzalanacağı gözlənilir.

Qeyd edək ki, Qustavo Maya bu mövsüm gənclər arasında San-Paulu kubokunda meydana çıxdığı 7 oyunda 3 qol vurub.