Real Madrid onun üçün danışıqlara başladı

Tottenham'ın yarımmüdafiəçisi Christian Eriksen karyerasını Real Madrid'də davam etdirə bilər.

Corner.az xəbər verir ki, "kral klubu"nun prezidenti Florentino Peres danimarkalı futbolçunun keçidi üçün qarşı tərəflə danışıqlara başlamağa hazır olduqlarını açıqlayıb. 26 yaşlı oyunçunun London klubu ilə müqavilə müddətini uzatmaqdan imtina etməsi onun İspaniyaya köçmək ehtimalını gücləndirib. Tərəflərin yaxın günlərdə danışıqlar masasına əyləşəcəyi gözlənilir. Ancaq ingilislərin yarımmüdafiəçini bu ilin yayından tez Real Madrid'ə buraxmayacağı bildirilir.

Qeyd edək ki, Eriksen'in Tottenham'la 2020-ci ilin yayına qədər sözləşməsi var.(qol.az)