Kuarejma yenidən Porto'ya qayıtmaq istəyir

"Kasımpaşa"nın futbolçusu Rikardo Kuarejma hazırkı müqaviləsi bitdikdən sonra sabiq klubu"Porto"ya qayıtmaq istəyir.

Corner.az xəbər verir ki, bu barədə 36 yaşlı futbolçunun özü "O Jogo"ya müsahibəsində deyib. "Porto"ya sevgisini izah etməyin çətinliyindən bəhs edən portuqaliyalı oyunçunun fikrincə, bu kluba keçməsi həyatının ən düzgün qərarıdır: "Mən "Porto" formasında yenidən meydana çıxa bilsəydim, xoşbəxt olardım. Bu kluba qayıtmaq istərdim. Müqaviləm mövsümün sonunda başa çatdıqdan sonra sərbəst ola biləcəyəm. Klub rəsmiləri ilə görüşüm olmalıdır. Amma hazırkı vəziyyətdə bu, mümkün deyil".

Qeyd edək ki, "Kasımpaşa" 2019-cu ilin avqustunda Rikardo Kuarejma ilə 1+1 illik müqavilə bağlayıb