Everton'dan Real'ın futbolçusuna təklif

“Real”ın yarımmüdafiəçisi Xames Rodrigez karyerasını İngiltərədə davam etdirə bilər.

Corner.az xəbər verir ki, “Everton” 28 yaşlı futbolçu ilə yaxından maraqlanır.

Məlumata görə, Premyer Liqa təmsilçisinin baş məşqçisi Karlo Ançelotti rəhbərlikdən kolumbiyalı futbolçunun transferini istəyib. 

İngiltərə mətbuatı “Everton”un Rodrigezə 4 illik müqavilə təklif etdiyini bildirib. Zinəddin Zidanın planlarına daxil olmayan futbolçunun özü də Premyer Liqada oynamağa müsbət yanaşdığı vurğulanıb.

Qeyd edək ki, “Barselona”nın yarımmüdafiəçisi Filipp Koutinyonun da “Everton”a keçəcəyi yazılır.