"Yuventus" klubu yerli Canluici Buffon, Corco Kyellinini və Paulo Dibalanı buraxmaq niyyətində deyil.
Corner.az-ın məlumatına görə, bunu "Sky Sport Italia" nəşrinə açıqlamasında klubun idman direktoru Fabio Paratiçi deyib.Klub rəsmisi bildirib ki, hər üç futbolçu ilə danışıqlar davam edir: "Buffon və Kyellini ilə razılaşmaq üzrəyik. Dibala ilə da danışırıq. Onun "Yuventus"da mümkün qədər çox qalmasını istəyirik".
Qeyd edək ki, daha əvvəl "Yuventus"un Canluici Buffon, Corco Kyellini və Blez Matuidi ilə yeni müqavilə imzalayacağı bildirilib.
