- Transfer
- 23:43 22.04.2026
"Sampdoriya" klubu FIFA-dan futbolçu Bruno Fernandeşin "Sportinq"dən "Mançester Yunayted"ə keçidini araşdırmasını istəyib.
Corner.az-ın "Goal" nəşrinə istinadən verdiyi məlumata görə, klub transfer məbləğinin 10 faizinin (təxminən 4.6 milyon avro) onlara ödənməli olduğunu iddia edib.
İtaliya təmsilçisinin iddiası yalnız "Sportinq"ə qarşı yönəlib.
Qeyd edək ki, Bruno Fernandeş "Mançester Yunayted"ə bu ilin əvvəlində keçib. 26 yaşlı yarımmüdafiəçi "Sampdoriya"da 2016/2017 mövsümündə çıxış edib.
