Kloppa zəng etdi, Liverpul'a qayıtmaq istədiyini dedi

Müqavilə ilə "Barselona"ya məxsus olan, icarə əsasında "Bavariya"da oynayan Filipp Koutinyo "Liverpul"a qayıtmaq istəyir.

Corner.az ESPN-ə istinadən xəbər verir ki, braziliyalı yarımmüdafiəçi bu istəyini bildirmək üçün İngiltərə klubunun baş məşqçisi Yurgen Kloppa zəng edib. Onun bu transfer üçün maaşının azaldılmasına razı olduğu vurğulanıb.

Qeyd edək ki, Koutinyonun "Bavariya" ilə icarə müqaviləsi iyunun sonu başa çatır. Münhen klubunun onun transfer hüququnu almayacağı bildirilib.

Xatırladaq ki, Koutinyo 2018-ci ilin yanvarında 145 milyon avroya “Liverpul”dan “Barselona”ya transfer olunub.(qol)