Neftçi növbəti transferini açıqladı - VİDEO

"Neftçi” heyyətini daha bir legioner futbolçu ilə gücləndirib. 

Corner.az klubun rəsmi saytına istinadən xəbər verir ki, Paytaxt təmsilçisi mərakeş əsilli belçikalı dayaq yarımmüdafiəçisi Sabir Buqrin ilə 2 il müddətinə müqavilə bağlayıb. 24 yaşlı futbolçu yeni komandasında 29 nömrəli forma ilə çıxış edəcək.

Sabir Buqrin Belçikanın "Lyers” (2014-2018; 82 oyun, 3 qol), Fransanın "Paris” (2018-2019; 4 oyun) və Lüksemburqun "Dudelanj” (2019-2020; 20 oyun, 2 qol) klublarında oynayıb.

Qeyd edək ki, "Neftçi” bundan əvvəl nigeriyalı cinah yarımmüdafiəçisi Yusuf Lavalı transfer etmişdi.