“Vest Hem” klubu heyətini yeni futbolçuyla gücləndirib.
Corner.az xəbər verir ki, London təmsilçisi icarə əsasında komandada çıxış edən Tomaş Souçeki birdəfəlik alıb.
Bu barədə klubun rəsmi saytı məlumat yayıb. Çexiyalı futbolçu ilə 4 illik müqavilə imzalanıb.
“Vest Hem” Souçeki 2020-ci ilin yanvarında “Slaviya” (Praqa) klubundan icarəyə götürmüşdü. Londonlular 25 yaşlı yarımmüdafiəçi üçün Çexiya klubuna 16 milyon avro ödəyib.
Çexiya millisinin üzvü, İngiltərə Premyer Liqasında 12 oyunda iştirak edib və 3 qol vurub.
