Xames PSJ-yə təklif olundu

"Real"ın yarımmüdafiəçisi Xames Rodriges karyerasını Fransada davam etdirə bilər.

Corner.az xarici mətbuata istinadən xəbər verir ki, kolumbiyalı oyunçunun agenti onu PSJ-yə təklif edib.

Daha əvvəl 29 yaşlı yarımmüdafiəçi ilə “Mançester Yunayted”in maraqlandığı bildirilirdi. "Qırmızı-şeytanlar" təcrübəli futbolçu üçün 25 milyon avro təklif etsə də, Madrid təmsilçisi Xamesin satışından 35 milyon qazanmağa planlaşdırır.

İspaniya mətbuatı PSJ-nin də Xamesi heyətinə qatmaqda maraqlı olduğunu yazıb. Əgər Rodriges Fransada oynamaq istəsə, tərəflər yaxın günlərdə danışıqlara başlayacaq.

Qeyd edək ki, kolumbiyalı cari mövsüm La Liqada cəmi 7 oyunda çıxış edib və 1 qol vurub.