Barcelona'dan Rabiot'a son şans

Barcelona heyətinə qatmaq istədiyi PSG'nin üzü Adrien Rabiot'un transferindən imtina edə bilər.

Corner.az xəbər verir ki, buna səbəb uzunmüddətli danışıqlara baxmayaraq, hələ də fransalı futbolçunun anası və meneceri Veronica Rabiot ilə razılıq əldə olunmamasıdır.Rabiot'un eyni zamanda digər Avropa klubları ilə da danışıq aparması kataloniyalıları narazı salır.

İspan klubunun nümayəndələri qarşıdakı həftə sonuncu dəfə yarımmüdafiəçinin özü və anası ilə bir araya gələcək. Əgər bu dəfə də tərəflər razılığa gələ bilməsələr, Kataloniya təmsilçisi Rabiot ilə danışıqlara son qoyacaq.

Qeyd edək ki, Rabiot PSG ilə müqaviləsini yenilmədiyi üçün əvəzedici komandaya göndərilib.(qol.az)