"Beşiktaş” klubla müqaviləsinin müddəti bu yay başa çatan Atiba Hatçinsonla bağlı qərar verib.
Corner.az xəbər verir ki, İstanbul təmsilçisi 37 yaşlı oyunçunu daha bir mövsüm heyətində saxlayıb.
Bu barədə klubun rəsmi saytı məlumat yayıb. Məlumatda, kanadalı futbolçu ilə 1 illik yeni müqavilə imzalandığı açıqlanıb.
Qeyd edək ki, 2013-cü ildən “Beşiktaş”da çıxış edən Atiba, geridə qalan mövsümdə 30 Super Liqa matçında 6 qola, 5 məhsuldar ötürməyə imza atıb.
