Real'dan ayrılmaq istədim, icazə verilmədi

"Real"ın kolumbiyalı yarımmüdafiəçisi Xames Rodriges gələcək karyerası barədə danışıb.

Corner.az xəbər verir ki, 29 yaşlı oyunçu komandadan ayrılmaq istədiyini bildirib:

“Oynamamaq məyusluqdur. Stabil çıxış etməyə hazıram, amma müəyyən insanlar üzündən bunu edə bilmirəm. Əgər pis oyunçu olsaydım, qəbul edərdim. Ancaq mən qazanmaq və davamlı oynamaq istəyən bir insanam. Komanda yoldaşlarınızla eyni bacarıqlarınız olmadığını görəndə çətin olur. Bu səbəbdən də “Real”dan ayrılmaq istədim, amma klub buna icazə vermədi".

Qeyd edək ki, Xames 2019/20 mövsümündə Madrid təmsilçisində 14 oyun keçirib və 1 qolla yadda qalıb.