Chelsea'nin futbolçusu klubunu dəyişməkdən imtina etdi

Chelsea'nin futbolçusu G.Cahill'in Fulham'da oynamaqdan imtina etdiyi ortaya çıxıb.

Corner.az xəbər verir ki, “zadəganlar”ın heyətində kifayət qədər şans qazanmayan ingilis futbolçu, klubların razılaşmasına baxmayaraq, Premyer Liqada qalmaq üçün mübarizə aparan Fulham'a transfer olmaqdan imtina edib.

Məsələylə bağlı açıqlama verən Fulham'ın baş məşqçisi Claudio Ranieri bunları deyib: “Cahill vacib futbolçudur və bizim üçün möhtəşəm transfer olar. Amma bizimlə mübarizə aparmaq istəyib-istəmədiyindən əmin deyiləm”.

Qeyd edək ki, 33 yaşlı müdafiəçi bu mövsüm Chelsea'nin heyətində 7 oyunda iştirak edib.(goal.az)