“Fənərbaxça” klubu heyətini yeni futbolçu ilə gücləndirib.
Corner.az xəbər verir ki, İstanbul təmsilçisi "Las Palmas"dan uruqvaylı müdafiəçi Maurisio Lemosu transfer edib.
Bu barədə klubun mətbuat xidməti məlumat yayıb. 25 yaşlı mərkəz müdafiəçisi ilə 3 illik müqavilə imzalanıb. Lemos yeni komandasında 3 nömrəli formanı geyinəcək.
“Defensor”un yetirməsi olan Lemos, sonralar “Rubin” (Rusiya) və “Sassuolo”da da oynayıb. O, 2016-cı ildən “Las Palmas”da çıxış edirdi.
“Fənərbaxça” bu yay Lemosdan öncə Gökhan Gönül, Caner Erkin, Mert Hakan Yandaş, Filip Novak, Mame Tiam, Sinan Gümüş və Xose Sosanı da transfer etmişdi.
