Yuventus onu icarə götürdü

"Yuventus” Andrea Pirlonun baş məşqçiliyi altında ilk transferini reallaşdırıb.

Corner.az klubun saytına istinadən xəbər verir ki, "qoca sinyora" “Şalke”nin yarımmüdafiəçisi Ueston MakKennini icarəyə götürüb.

Turin təmsilçisi bu keçidə üçün Bundesliqa klubuna 4 milyon 500 min avro ödəyəcək. Bundan əlavə, müqaviləyə görə, “Yuventus” “Şalke”yə 18 milyon 500 min avro ödəyərsə, 22 yaşlı futbolçusunu birdəfəlik transfer edə biləcək. Amerikalı oyunçunun sözləşməsində əlavə 7 milyon avroluq bonus qazana biləcəyi haqda bənd də var.

Qeyd edək ki, 2016-cı ildən “Şalke”nin formasını geyinən U.MakKenni bu komandada 74 matç keçirib.