“Çelsi” klubu heyətinə daha bir futbolçu cəlb edib.
Corner.az xəbər verir ki, London təmsilçisi “Bayer”in yarımmüdafiəçisi Kay Havertsi transfer edib.
Bu barədə klubun rəsmi saytı məlumat yayıb. "Zadəganlar" 21 yaşlı futbolçu ilə 5 illik müqavilə imzalayıb.
“Çelsi” Havertsin transferi üçün qarşı tərəfə 72 milyon funt-sterlinq ödəyəcək. Bu isə London klubunun tarixində rekord transfer məbləğidir. London klubunun bundan öncəki rekordu 2018-ci ildə “Atletik”dən 71.6 milyon funt-sterlinqə transfer edilən Kepa Arrisabalaqaya aid idi.
Qeyd edək ki, Haverts yetirməsi olduğu “Bayer”də 2016-cı ildən bəri 150 rəsmi oyuna çıxıb, 46 qola imza atıb, 31 məhsuldar ötürmə edib.
