“Şalke” klubunun yeni transferi Vedad İbişeviç məvacib almadan çıxış edəcək.
Corner.az xarici mətbuata istinadən xəbər verir ki, bu barədə 36 yaşlı hücumçu özü məlumat verib. İbişeviç, məqsədinin pul qazanmaq olmadığını yalnız oynamaq istədiyini bildirib:
“Məqsədim pul qazanmaq deyil, oynamaq istəyirəm. Klub rəhbərliyi ilə danışdıq və məvacib almayacam. Sadəcə, tibbi siğorta üçün lazım olan məbləği verəcəklər. Məvacibimi xeyriyyə işlərinə sərf edəcəm və bonuslar üçün oynayacam”.
Daha əvvəl “Hoffenhaym”, “Ştutqart”, “Herta” kimi klublarda çıxış etmiş İbişeviç, “Şalke” ilə 1 illik müqavilə imzalayıb.
