Neftçi yunanlı futbolçu ilə maraqlanır

UEFA Avropa Liqasının II təsnifat mərhələsində "Qalatasaray" ilə qarşılaşacaq "Neftçi" heyətini gücləndirmək istəyir. 

Corner.az "Newspao" nəşrinə istinadən xəbər verir ki, paytaxt təmsilçisi Yunanıstan millisinin və "Panatinaikos"un futbolçusu Dimitris Kolovosla maraqlanır. 

27 yaşlı hücumameyilli yarımmüdafiəçinin ölkəsində və ya xaricdə oynamaq istəyi hələ bəlli deyil. "Panatinaikos" Kolovosu yeni mövsüm üçün heyətdə düşünmür və onu icarəyə vermək niyyətindədir. 

Qeyd edək ki, Dimitris Kolovos 2019-cu ildən "Panatinaikos"da çıxış edir. O, ölkəsində "Olimpiakos", "Panionios", Kiprin "Omoniya", Belçikanın "Mexelen" və Niderlandın "Villem II" klublarının da formasını geyinib. 

Xatırladaq ki, senyabrın 17-si "Bakcell Arena”da keçiriləcək "Neftçi” – "Qalatasaray” oyunu saat 20:00-da başlanacaq.(report)