“Fulhem” klubu heyətini yeni futbolçu ilə gücləndirib.
Corner.az xəbər verir ki, Premyer Liqa təmsilçisi “Olimpik Lion”dan Kenni Teteni transfer edib.
Bu barədə klubun rəsmi saytı məlumat yayıb. 24 yaşlı futbolçu ilə 4+1 illik müqavilə imzalanıb. Sağ cinah müdafiəçisi olan niderlandlı futbolçu yeni komandasında “2” nömrəli forma ilə çıxış edəcək.
Qeyd edək ki, “Ayaks”ın yetirməsi olan Tete, Lion “Olimpik”ində 2017-ci ildən çıxış edirdi. Niderland yığmasının üzvü Fransa klubunun heyətində meydana çıxdığı 80 oyunda 1 qolla yadda qalıb.
