“Qəbələ” heyətini yeni futbolçu ilə gücləndirib.
Corner.az xəbər verir ki, “qırmızı-qaralar” braziliyalı futbolçu Rafael Utziq transfer edib.
24 yaşlı hücumçu ilə 1+1 illik müqavilə imzalanıb. Cənubi amerikalının son klubu “Parana” olub. Sağ cinah hücumçusu mövqeyində də oynayan Rafael 2018-20-ci illərdə fasilə ilə bu komandanın heyətində A və B seriyalarında oynayıb.
Utziq karyerası ərzində “Foz de İquaçu” (2015, 2018), “Kaskavel” (2016), “Ypiranqa Ereçim” (2016-2018) və “Çianorte”nin (2019) də formasını geyinib.
