İnter-in hücumçusu Real'a keçir

"İnter"in futbolçusu Lautaro Martines karyerasını "Real Madrid"də davam etdirəcək. 

Corner.az "Sport Mediaset" nəşrinə istinadən xəbər verir ki, artıq klublar arasında razılıq əldə olunub.

İddiaya görə, Milan təmsilçisi bu transferi "Barselona"dan gizli saxlayıb. Buna səbəb "İnter"in hazırda Arturo Vidalın transferi üçün Kataloniya təmsilçisi ilə danışıqları davam etdirməsidir.

İtaliya klubunun rəhbərliyi 23 yaşlı hücumçunun satışından əldə olunacaq gəlirlə  "Real"dan 40 milyon avro qarşılığında alınan Əşrəf Hakiminin transfer xərclərini bağlayacaq. Həmçinin Madrid klubu hücumçusu Luka Yoviç Martines transferinə qarşılıq "İnter"ə icarəyə verəcək.

Argentinalı oyunçunun "Real Madrid"dəki illik maaşı təxminən 8 milyon avro olacaq. Martines Milan klubundakı məvacibdən 3 milyon avro çox, "Barselona"nın təklif etdiyi məğləğdən isə 2 milyon avro az qazanacaq.