Atletiko Suares'lə razılaşdı

 "Barselona"nı ölkənin digər klubu "Atletiko"ya dəyişməyə hazırlaşan Luis Suares Madrid klubu ilə şəxsi müqaviləsinin detallarını razılaşdırıb.

Corner.az "Marca"ya istinadən xəbər verir ki, uruqvaylı futbolçu paytaxt təmsilçisi ilə 2 illik müqavilə imzalayacaq. 33 yaşlı hücumçunun yeni komandasında illik məvacibi isə 9 milyon avro olacaq.

Transferlə bağlı rəsmi açıqlamanın yaxın günlərdə veriləcəyi gözlənilir. Suaresin keçidi reallaşarsa, "Atletiko" digər hücumçusu Alvaro Morata ilə yollarını ayıracaq. İspaniyalı hücumçunun da "Yuventus"a qayıdacağı gözlənilir.

Qeyd edək ki, 2014-cü ildən "Barselona"da çıxış edən L.Suares ötən mövsüm meydana çıxdığı 36 oyunda 21 qol vurub və 10 məhsuldar ötürmə ilə yadda qalıb