Emeqaranın yeni klubu

"Qarabağ"ın sabiq futbolçusu İnnosent Emeqaranın yeni klubu müəyyənləşib.

Corner.az xəbər verir ki, 31 yaşlı hücumçu İsveçrənin səviyyəcə ikinci sayılan Çelenc liqasındakı "Vintertur" klubu ilə müqavilə imzalayıb. Bununla bağlı o, özünün "Feysbuk" səhifəsində paylaşım edib: "Ev kimisi yoxdur. Bunu xaricdə 10 il çıxış etdikdən sonra anladım. Evə döndüyüm üçün xoşbəxtəm".

Qeyd edək ki, Nigeriya əsilli isveçrəli futbolçu İ.Emeqara "Vintertur"da 2009/2010 mövsümündə, "Qarabağ"da isə 2014/2015 mövsümünün ilk yarısında və 2018/2019 mövsümündə forma geyinib. O, ötən mövsüm "Karagümrük"də oynayıb.