Qarabağ'ın rəqibi yeni futbolçu aldı

"Qarabağ"ın UEFA Avropa Liqasının qrup mərhələsindəki rəqiblərindən olan İsrailin "Makkabi" (Təl-Əviv) komandası heyətini yeni futbolçu ilə gücləndirib.

Corner.az klubun rəsmi saytına istinadən xəbər verir ki, Tel-Əviv təmsilçisi Cənubi Afrika Respublikasının "Bidvest Uits" klubunun futbolçusu Rouen Hümanı transfer edib.

19 yaşlı yarımmüdafiəçi ilə 1+1 illik müqavilə imzalanıb.

Qeyd edək ki, Avropa Liqasının I qrupunda "Qarabağ" və "Makkabi" ilə yanaşı, İspaniya "Vilyarreal"ı və Türkiyə "Sivasspor"u da yer alıb. "Qarabağ" "Makkabi" ilə oktyabrın 22-də səfərdə, dekabrın 3-də isə evdə qarşılaşacaq.