Keşlə ukraynalı futbolçu aldı

Keşlə növbəti transferini həyata keçirməyə hazırlaşır.

Corner.az xəbər verir ki, klubdan qol.az-a verilən məlumata görə, paytaxt təmsilçisi ukraynalı yarımmüdafiəçi Valeri Kutsenko ilə müqavilə bağlayacaq. Antalya toplanışının sonlarına doğru komandaya qoşulan 32 yaşlı futbolçu artıq Bakıdadır. O, mövsümün sonuna kimi “Keşlə”nin formasını geyinəcək.

Qeyd edək ki, Kutsenko Azərbaycan futbolu üçün yad sima deyil. Təcrübəli yarımmüdafiəçi 2015-ci ildə elə Tərlan Əhmədovun rəhbərliyi altında AZAL-da çıxış edib. Onun son klubu isə Moldova “Sperantsa”sı olub.