Yuventus Ronaldonu Neymarla dəyişdirir

“Yuventus” klubu transfer pəncərəsində hücumçu Kriştiano Ronaldonu “PSJ”nin hücumçusu Neymarla dəyişdirmək istəyir.

Corner.az “Tuttomercatoweb” portalına istinadən xəbər verir ki, sözügedən futbolçuların müqaviləsi 2022-ci ildə başa çatır. Mənbənin verdiyi məlumata görə, Turin təmsilçisi üçün prioritet Paulo Dibala ilə müqaviləni uzatmaqdır. 35 yaşlı Ronaldonun maaşı ildə 31 milyon avrodur.

“Yuventus” hələ yarımmüdafiəçilər Deyan Kuluşevski və Federiko Kyezanın transfer pullarını da ödəməyib.

“PSJ”nin idman direktoru Leonardo klubun mətbuat xidməti ilə söhbətində Ronaldonun transfer olacağını istisna etməyib və portuqaliyalı futbolçunun Turindən getmək istədiyini qeyd edib.