Emil Balayev Tobol'da

Azərbaycan millisinin qapıçısı Emil Balayevin Tobol-a keçidi reallaşıb.

Corner.az xəbər verir ki, bu barədə Qazaxıstanın vesti.kz saytı məlumat yayıb.

Futbolçudan sonra klubu Səbail-in də bu keçidə razılığı alınıb. Transfermarktda qiyməti 400 min avro göstərilən 24 yaşlı qolkiperin transferindən Səbail-in 52 min avro qazanc götürdüyü vurğulanıb. Lakin Balayevin müqavilə müddəti və illik məvacibi barədə məlumat verilməyib.

Tobol qış fasiləsində iki qapıçı - Dmitri Nepoqodov və Vyaçeslav Kotlyarla yolları ayırıb. Həmçinin Aslan Darabayev, Marat Bıstrov və Tanat Nuserbayev də yola salınıb. Kapitan Nurbol Jumaskaliyev isə karyerasını başa vuraraq, klubun idman direktoru təyin olunub. Sözügedən klub Balayevi əsas qapıçı kimi transfer edib.

Qeyd edək ki, 2018-ci ildə Qazaxıstan çempionatının bürünc medallarına layiq görülən Tobol gələn mövsüm Avropa Liqasında mübarizə aparacaq.(goal.az)