"Mançester Yunayted”in yarımmüdafiəçisi Pol Poqba İngiltərə klubundan ayrılacaq.
Corner.az xəbər verir ki, bunu 27 yaşlı futbolçunun agenti Mino Rayola “Tuttosport”a açıqlamasında bildirib.
O, fransalı oyunçunun Mançester təmsilçisindəki hekayəsinin sona çatdığını bildirib. Amma Rayola Poqbanın komandanı tərk edəcəyi dəqiq tarixi açıqlamayıb. İngiltərə mətbuatının iddiasına görə, bu, qış fasiləsində və ya cari mövsümün sonunda reallaşa bilər.
Qeyd edək ki, Poqbanın "Mançester Yunayted"lə 2022-ci ilin yayınadək müqaviləsi var.
