Real transfer etməyəcək

"Real" qış transfer pəncərəsində heyətinə yeni futbolçu cəlb etməyəcək.

Corner.az "AS"a istinadən xəbər verir ki, Madrid təmsilçisinin baş məşqçisi Zinəddin Zidan klub rəhbərliyindən qış transfer pəncərəsi zaman oyunçu almamasını istəyib.

Bildirilib ki, fransalı mütəxəssis 2021-ci ilin yayında yeni oyunçular əldə etmək niyyətindədir. "Real"da bu qış bəzi futbolçularla yolları ayırmaq lazım olduğu vurğulanıb. Ancaq klub hələ kimləri satmağa  hazır olduğuna qərar verməyib.

Qeyd edək ki, La Liqanın 15 turundan sonra 32 xal toplayan "Real" turnir cədvəlinin 2-ci pilləsində qərarlaşıb.