“İndepentyente del Valye”nin futbolçusu Moyses Kaysedo karyerasını İngiltərədə davam etdirəcək.
Corner.az xarici mətbuata istinadən xəbər verir ki, 19 yaşlı yarımmüdafiəçi yaxın günlərdə “Mançester Yunayted”lə rəsmi müqavilə imzalayacaq.
"Qırmızı şeytanlar" gənc futbolçu üçün Ekvador təmsilçisinə 4 milyon avro və əlavə bonuslar ödəyəcək. Kaysedo Premyer Liqa klubu ilə müddəti 2025-ci ilin yayına qədər olan sözləşmə imzalayacaq.
Qeyd edək ki, Moyses Ekvador yığmasında 4 oyuna 1 qol vurub.
