“Başakşəhər” klubu heyətinə yeni futbolçu cəlb edib.
Corner.az xəbər verir ki, İstanbul təmsilçisi “Milan”dan Leonardo Duarteni heyətinə qatıb.
Bu barədə hər iki klubun mətbuat xidməti məlumat yayıb. Super Liqa təmsilçisi 24 yaşlı müdafiəçini satın almaq şərti ilə 1.5 illik icarəyə götürüb. O, yeni komandasında “2” nömrəli forma ilə çıxış edəcək.
Qeyd edək ki, Duarte bu mövsüm “Milan”la 3 oyuna çıxıb. Braziliyalı müdafiəçi 2019-cu ilin yayından “qırmızı-qaralar”ın formasını geyinir.
