Yuventus daha bir türk futbolçunu transfer edir

 "Lill"in futbolçusu Yusuf Yazıcı karyerasını İtaliyada davam etdirə bilər.

Corner.az "France Football"a istinadən xəbər verir ki, "Yuventus"  24 yaşlı yarımmüdafiəçi ilə maraqlanır.

Turin təmsilçisi türkiyəli oyunçunu mövsümün sonunda klubuna rəsmi təklif göndərməyi planlaşdırır.

"Yuventus" Yazıcını mövsümün sonunda komandadan ayrılacaq Paulo Dibalaya əvəzləyici kimi görür. "Lill"in bu keçid üçün qarşı tərəfdən 40-45 milyon avro tələb etdiyi bildirilir.

İtaliya mətbuatı isə "İnter" və "Arsenal"ın da Yusuf Yazıcı ilə maraqlandığını iddia edib.

Qeyd edək ki, Yusuf Yazıcı cari mövsüm "Lill" forması ilə 23 oyunda 11 qol və 4 məhsuldar ötürmə ilə yadda qalıb.