Sulşerdən Poqba açıqlaması

"Mançester Yunayted"in baş məşqçisi Ole Qunnar Sulşer yarımmüdafiəçi Pol Pogbanın gələcəyi barədə danışıb.

Corner.az xəbər verir ki, 47 yaşlı mütəxəssis, bununla bağlı "Sky Sports"a açıqlamasında deyib:

“Poqba haqqında həmişə şayiələr olacaq. Gələcəyi ilə bağlı açıq bir dialoq aparırıq, ancaq nədən danışırıq, bu, aramızda qalacaq. Sadəcə onun futbola köklənməsinə görə xoşbəxtəm. Poqba çox yaxşı oynayır, özündən razıdır və bu vacibdir. Poqbanın komandanın bir hissəsi olaraq oyundan zövq aldığını görə bilərsiniz".

Qeyd edək ki, Poqbanın "Mançester Yunayted"dəb ayrılacağı xəbərləri yayılıb.