ABŞ-ın “Çinçinatti” klubu heyətinə yeni futbolçu cəlb edib.
Corner.az xəbər verir ki, MLS təmsilçisi “San Paulo”nun hücumçusu Brenneri transfer edib.
Bu barədə Braziliya təmsilçisinin rəsmi saytı məlumat yayıb. 21 yaşlı forvardla müqavilənin müddəti və digər detalları açıqlanmayıb.
ABŞ mediasının yaydığı məlumata görə, “Çinçinatti” braziliyalı futbolçuya görə “San Paulo”ya 15 milyon dollar ödəyib. Bu isə həm klub, həm də MLS tarixində rekord transfer məbləğidir. Daha öncə “Atlanta Yunayted” də 2018-ci ildə Argentinanın “İndependyente” klubundan argentinalı yarımmüdafiəçi Esekiel Barkonu məhz 15 milyon dollara transfer etmişdi.
Qeyd edək ki, Brenner “San Paulo”nun öz yetirməsidir. O, bu klubun əsas komandasında indiyə qədər 74 matça çıxıb və 27 qola imza atıb.
