“Barselona” yeni mövsümdən Xavi Ernandesə həvalə olunacaq.
Corner.az xəbər verir ki, bu barədə “La Gazetta dello Sport” nəşrinin jurnalisti Nikolo Skira “tvitter” hesabında paylaşım edib. O, “Barselona”da prezident seçkilərinin nəticəsindən asılı olmayaraq, bu mövsümün sonunda Xavinin Kataloniya təmsilçisinin “sükanı arxasına” gətiriləcəyini bildirib.
Qeyd edək ki, Xavi hazırda Qətərin “Əl Sədd” klubunu çalışdırır. 41 yaşlı mütəxəssisin müqaviləsi mövsümün sonuna qədərdir.
Əlavə edək ki, Xavi futbolçu karyerası ərzində 1995-2015-ci illər aralığında “Barselona”da çıxış edib.
